වැනිලා ස්පොන්ජ් කේක්

හොඳට සොෆ්ට් එකට හිටින්න රසට හදන වැනිලා ස්පොන්ජ් කේක් රෙසිපි එක තමයි මේ.

අවශ්‍ය ද්‍රව්‍ය:

බිත්තර කහ මද - 05
බිත්තර සුදු මද - 05
කිරි - 50ml
තෙල් - 50ml
සීනි - 160g
පාන් පිටි - 160g
වැනිලා - තේ හැඳි 01
ලුනු - තේ හැඳි 1/2
දෙහි යුෂ - තේ හැඳි ½

සාදන ක්‍රමය:

බිත්තර සුදු මද ටික කහ මද වලින් වෙන් කර ගන්න.
වෙන් කර ගත්ත බිත්තර සුදු මද ටික ටිකක් වෙලා බීට් කර ගන්න.
දෙහි යුෂ ටික එකතු කරන්න.
සීනි ටික ටික දදා බීට් කරන්න.
බිත්තර තියන බෝල් එක අනිත් පැත්ත හැරව්වහම බීට් කර ගත්ත බිත්තර ටික බිමට වැටෙන්නේ නැතුව බෝල් එකේම ඇලිලා හිටින මට්ටමට එනකන් බීට් කර ගන්න ඕනේ.
මේ බිත්තර ටිකට බිත්තර කහ මද ටික දාලා හෙමිහිට ෆෝල්ඩ් කර ගන්න.
පිටි වලට ලුනු ටික දාලා හොඳට කලවම් කරන්න.
දැන් මේ පිටිත් ටික ටික බිත්තර එකට දාගෙන ෆෝල්ඩ් කර ගන්න.
පිටි ටික හොඳට කලවම් උනාට පස්සේ තෙල් ටිකයි, වැනිලායි, කිරි ටිකයි දා ගන්න.
බේකින් ට්‍රේ එක වටේටම පාර්ච්මන්ට් කොලයක් දා ගන්න. මේ කේක් එක බේක් වෙනකොට ටිකක් වැඩිපුර පිම්බිලා එනවා. ඒක හින්දා පාර්ච්මන්ට් කොලය බේකින් ට්‍රේ එකට වඩා ටිකක් උසට දා ගන්න.
දැන් මේ කේක් එක 150° C ක උෂ්ණත්වයක විනාඩි 30ක් 40ක් විතර බේක් කර ගන්න.
කේක් නිමෙන්න තියලා රස විදින්න.