බේක් කරන්නේ නැතුව චොක්ලට් පීනට් බටර් බාර් හදමු

හරිම රස ඒ වගේම ලස්සන මේ අතුරුපස හදාගන්න අපිට ඕනේ කරන්නේ හරිම පොඩි දේවල් ටිකක්. මේ රසම රස චොක්ලට් පීනට් බටර් බාර් හදාගන්න අපිට යන්නේ විනාඩි 20ක් වගේ හරිම පොඩි කාලයක්.

අවශ්‍ය ද්‍රව්‍ය

• ඩයිජෙස්ටිව් බිස්කට් - 200g
• පීනට් බටර් - 180g
• ඩාර්ක් චොක්ලට් - 200g
• ලුනු රහිත බටර් - 70g

සාදන ක්‍රමය

• බිස්කට් ටික පිටි වගේ වෙනකන් හොඳට බ්ලෙන්ඩර් කර ගන්න.
• මේ බිස්කට් එකට බටර් ටිකයි පීනට් බටර් 120g දාලා තව ටිකක් බ්ලෙන්ඩර් කරන්න.
• බිස්කට් ටික බේකින් පෑන් එකකට දාගන්න.
• වෙනමම බෝල් එකක චොක්ලට් ටිකයි පීනට් බටර් 30g යි මද ගින්දරේ දිය කර ගන්න.
• දැන් මේ චොක්ලට් මිශ්රණයත් බිස්කට් ටික උඩින් දාගන්න.
• තවත් පීනට් බටර් 30g ක් වෙනමම දිය කර ගන්න.
• දිය කර ගත්ත මේ පීනට් බටර් ටික චොකලට් මිශ්‍රණය උඩින් තැනින් තැන දාගන්න.
• බටර් ගාන පිහියක් අරගෙන මේක උඩින් ලස්සන රටාවක් හදාගන්න.
• දැන් මේක හොඳට සෙට් වෙනකන් පැය 02ක් විතර ශීතකරණයේ තියන්න.
• මේක හොඳට සෙට් උනාට පස්සේ රස්නේ පිහියකින් කෑලි වලට කපාගන්න.