හාල්මැස්සෝ දාලා රසට බීට් රූට් කරියක් හදමු

ලංකාවේ ඉන්න අපි බීට් රූට් කරියක් නොකාපු කෙනෙක් නෑනේ. හැබැයි ඔයාලා මීට කලින් හාල්මැස්සෝ දාලා බීට්රූට් හදලා තියනවද?

අවශ්‍ය ද්‍රව්‍ය

• බීට් රූට් - 300g
• හාල්මැස්සෝ - 50g
• අමු මිරිස් - 02
• රතු ළුණු - 08 - 10
• කරපිංචා
• කහ කුඩු - තේ හැඳි 01
• මිරිස් කුඩු - තේ හැඳි 1 1/2
• තුන පහ කුඩු - තේ හැඳි 02
• ලුනු - තේ හැඳි 01
• උළු හාල් - තේ හැඳි 1/2
• පොල් කිරි - කෝප්ප 02

සාදන ක්‍රමය

• බීට් රූට් ටික හොඳට සුද්ද කරලා අරගෙන කෑලි වලට කපා ගන්න.
• අමු මිරිස්, රතු ළුණු පොඩියට කපලා දාගන්න.
• හොඳට සෝදා ගත්ත හාල්මැස්සෝ ටික දාගන්න.
• පොල් කිරි ටික දාගන්න.
• උළු හාල්, ලුනු, තුන පහ කුඩු, මිරිස් කුඩු, කහ කුඩු හා කරපිංචා දමා හොඳට කලවම් කරන්න.
• මේ කරි එක විනාඩි 10-15ක් විතර ලිපේ තියලා උයාගන්න.
• රස පදමට ලුනු අඩු වැඩි කර ගන්න.