චීස් එක්ක බේක් කරපු මැකරෝනි

හැමදාම හදන මැකරෝනි එකට වැඩිපුර චීස් ටිකක් දාලා බේක් කරලා හදලා බලමුද?

අවශ්‍ය ද්‍රව්‍ය

මැකරෝනි - 250g
බටර් - 56g
පාන් පිටි - 24g
කිරි - 480ml
ලුනු - තේ හැඳි 1/2
ගම්මිරිස්
චෙඩර් චීස් - 150g
මොසරැල්ල චීස් - 100g
දිය කර ගත්ත බටර් - 14g
පාන් කුඩු - 30g
ලුනු

සාදන ක්‍රමය

නටන උණු වතුරට ලුණු ටිකක් දාලා ඒකට පැස්ටා ටික දාන්න. පැස්ටා ටික ටිකක් සොෆ්ට් වෙනකන් විනාඩියක් දෙකක් විතර හොඳට තම්බා ගන්න.
පැස්ටා ටිකේ උණු වතුර ටික පෙරාගෙන පැත්තකින් තියා ගන්න.
ඔක්කොම චීස් ටික ග්‍රේට් කර ගන්න.
බටර් ටික පෑන් එකකට දාලා මද ගින්දරේ දිය කර ගන්න.
බටර් ටික දිය උනහම මේකට පිටි ටික දාලා කලවම් කර ගන්න.
දැන් කිරි ටික එකතු කර ගන්න.
ලුනුයි ගම්මිරිසුයි දාලා මේක ටික ඝන වෙනකන් කලවම් කරන්න.
දැන් මේ පෑන් එක ලිපෙන් අරගෙන ඔක්කොම චීස් ටික දාලා කලවම් කරන්න.
ඊළගට පැස්ටා ටිකත් දාලා කලවම් කරලා මේ ටික බේකින් පෑන් එකකට දාගන්න.
දැන් පාන් කුඩු ටික බටරුයි ලුනුයි එක්ක කලවම් කරලා පැස්ටා ටික උඩට දාගන්න.
දැන් මේක විනාඩි 25ක් 30ක් විතර 190°Cක උෂ්ණත්වයක බේක් කර ගන්න.