කඩේ රසටම චොක්ලට් ලාවා කේක්

අපි ගොඩ දෙනෙක් ලාවා කේක් වැඩිය ගෙදර හදන්න යන්නේ නෑනේ. හැබැයි ලාවා කේක් ගෙදරදීම හදාගන්න එක අනිත් කේක් එකක් හදනවාටත් වඩා හරිම ලේසියි.

අවශ්‍ය ද්‍රව්‍ය

බිත්තර - 03
ඩාර්ක් චොක්ලට් - 170g
මාගරින් - 110g
සීනි - මේස හැඳි 04
ලුනු ටිකක්
වැනිලා - තේ හැඳි 01
පිටි - මේස හැඳි 02
මෆින් මෝල්ඩ් - 06

සාදන ක්‍රමය

මෆින් මෝල්ඩ් ටිකේ ඇතුල් පැත්තේ බටර් ටිකක් ගාලා ඊළගට පිටි ටිකක් තවරා ගන්න.
දැන් මේ මෆින් මෝල්ඩ් ටික බේකින් ට්‍රේ එකකින් තියා ගන්න.
චොක්ලට් ටිකයි මාගරින් ටිකයි මද ගින්දරේ දිය කර ගන්න.
බිත්තරයි, සීනියි, ලුනුයි එකට දාලා ටිකක් ඝනකම් ගතියට එනකන් කලවම් කර ගන්න.
දැන් මේකට පිටි ටිකයි, වැනිලා ටිකයිත් දා ගන්න.
පිටි ටික බිත්තරත් එක්ක හොඳට කලවම් උනාට පස්සේ චොක්ලට් මිශ්‍රණය ටික ටික මේකට දදා කලවම් කරන්න.
දැන් අපි හදාගත්ත ලාවා කේක් මිශ්‍රණය මොල්ඩ්ස් වලට දාගෙන 200° C ක් උෂ්ණත්වයක් විනාඩි 10ක් විතර බේක් කර ගම්මු.
බේක් උනාට පස්සේ ලාවා කේක් ටික මෝල්ඩ් වලින් එලියට අරගෙන රස්නේ තියෙද්දීම පිළිගන්වන්න.