තක්කාලි සෝස්

අවශ්‍ය ද්‍රව්‍ය:

• ඉදුනු තක්කාලි - 500g
• වතුර - කෝප්ප 1/2
• සීනි - 50g
• මිරිස් කුඩු - තේ හැඳි 1/2
• රස පදමට ලුනු
• සුදු විනාකිරි - 15ml

සාදන ක්‍රමය:

තක්කාලි ටික ඔක්කොම තරමක කෑලි වලට කපා ගන්න.

දැන් මේ කපා ගත්ත තක්කාලි ටිකයි වතුර ටිකයි භාජනයකට දාලා තක්කාලි ටික මෙලෙක් වෙනකන් මද ගින්දරේ තම්බා ගන්න.

තක්කාලි ටික හොඳට මෙලෙක් උනාට පස්සේ තක්කාලි කෑලි ටික විතරක් අරගෙන හොඳට බ්ලෙන්ඩර් කර ගන්න. මේකට ඔයාලා ඉතුරු වතුර ටික දා ගන්න එපා. එතකොට මේකේ වතුර ගතිය වැඩි වෙනවා.

ඊළගට හොඳට බ්ලෙන්ඩර් කර ගත්ත තක්කාලි ටික පෙරලා සෝස් එක හදන භාජනයට දා ගන්න.

දැන් අපි මේක ලිපේ තියලා අඩු ගින්දරේ රත් කර ගන්න ඕනේ.

තක්කලි ටික හොඳට රත් උනහම සීනියි, මිරිස් කුඩුයි, ඔයාලගේ රස පදමට ලුනු ටිකකුයි දා ගන්න.

සීනි ටික හොඳට දිය උනාට පස්සේ විනාකිරි ටික දා ගන්න.

දැන් අපි මේ ටික හොඳ පදමට එනකන් මද ගින්දරේ රත් කරන්න ඕනේ.

සෝස් එක ඝනකම් උනහම සෝස් එක මැද්දේ හැන්දෙන් ඉරක් ඇදලා බලන්න. එතකොට සෝස් ටික ආයෙත් එකතු වෙන්න වෙලා යනවනම් සෝස් එක පදමට ඇවිත් තියෙන්නේ.

මේ වෙලාවේදී භාජනේ ලිපෙන් අයින් කරලා සෝස් එක නිමෙන්න තියන්න.

අන්තිමටම සෝස් ටික බෝතලේකට දා ගෙන ෆ්‍රිජ් එකේ තියා ගන්න.

ඔයාලට මේක සති දෙකක් විතර තියා ගෙන කන්න පුළුවන්.