Shakshuka / Eggs in Tomato Sauce Recipe

අපි මේ කියලා දෙන්න යන කෑම ගැන ඔයාලා වැඩිය අහලා නැතුව ඇති. ඒ තමයි Shakshuka. Shakshuka කියන්නේ middle east වල ගොඩක් ජනප්‍රිය කෑමක්. මේක වැඩිය අහලා පුරුදු නමක් නොවුනට මේ recipe එක අපිටත් හරිම ලේසියෙන් හදා ගන්න පුළුවන්.

අවශ්‍ය ද්‍රව්‍ය:

බිත්තර – 03
තක්කාලි – 200g
තක්කාලි සෝස් – 02 tbsp
ඔලිව් තෙල් / පොල් තෙල් – 01 tbsp
රට ළුණු – 01
සුදු ළුණු බික් – 02
රතු පාට බෙල් පෙපර් – 01
මිරිස් කුඩු – 01 tsp
සීනි – 01 tsp
කෑලි මිරිස් – 01 tsp
ලුනු
ගම්මිරිස් කුඩු

සාදන ක්‍රමය:

ඉස්සෙල්ලාම තක්කාලි ටිකයි, බෙල් පෙපර් එකයි, ළුණු ගෙඩියයි, සුදු ළුණුයි පොඩියට කපා ගන්න.
Frying pan එකකට තෙල් ටිකක් දාලා ඒ තෙල් ටික හොඳට රත් වේගෙන එනකොට ඒකට කපා ගත්ත ළුණු ටික දාන්න.
සුදු ළුණු ටිකත් දාලා කලවම් කරන්න.
කපා ගත්ත බෙල් පෙපර් ටික දාන්න.
තක්කාලි සෝස් ටික දාලා හොඳට කලවම් කර ගන්න.
ඊළගට කපා ගත්ත තක්කාලි ටික එකතු කරන්න.
මේකට මිරිස් කුඩු, සීනි, ලුනු, කෑලි මිරිස් හා ගම්මිරිස් ටික දාගන්න. ඔයාලාගේ රසේ පදමට මේ දාන දේවල් ටික අඩු වැඩි කර ගන්න පුළුවන්.
දැන් මේක වහලා විනාඩි 10-15ක් විතර මේ ටික මද ගින්දරේ උයා ගන්න.
මේක මැද පොඩි ඉඩ ටිකක් හදාගෙන බිත්තර ටික කඩලා මේ තැන් වලට දාගන්න.
අයෙත් පාරක් මේක වහලා විනාඩි 10-15ක් විතර බිත්තර ටික තැම්බෙනකන් මද ගින්දරේ තියන්න.
මේ හදාගත්ත shakshuka dish එක ඔයාලට පාන්, ෆ්‍රයිඩ් රයිස්, නූඩ්ල්ස්, පාස්තා වගේ දේවල් එක්ක try කරලා බලන්න පුළුවන්.