රෙඩ් වෙල්වට් කුකීස්

ඔයාලාගේ කුකීස් එකතුවට තවත් හරිම ලේසි කුකී එකක් මෙන්න. රෙඩ් වෙල්වට් කුකීස් !

අවශ්‍ය ද්‍රව්‍ය:

පාන් පිටි - 210g
බේකින් පව්ඩර් - තේ හැඳි 1 1/2
ලුනු - තේ හැඳි 1/2
කොකෝවා පව්ඩර් - 25g
බටර් - 115g
සීනි - 200g
බිත්තර - 02
වැනිලා - තේ හැඳි 01
වයිට් චොක්ලට් - 100g
අයිසින් සීනි - 60g
රතු පාට ෆුඩ් කලරින්

සාදන ක්‍රමය:

මුලින්ම පිටි ටිකයි, බේකින් පව්ඩර් ටිකයි, ලුනුයි, කොකෝවා පව්ඩර් ටිකයි එකට කලවම් කරලා පැත්තකින් තියා ගන්න.
බටර් ටිකයි සීනි ටිකයි එකට දාලා හොඳට ක්‍රීම් ගතියට එනකන් බීට් කරන්න.
මේකට බිත්තර එක එක දදා බීට් කරන්න.
වැනිලා ටික එකතු කරන්න.
රතු පාට ෆුඩ් කලරින් ටික දාලා ආයෙත් හොඳට බීට් කරන්න.
කලින් හදා ගත්ත පිටි ටික ටික දදා හොඳට කලවම් වෙනකන් බීට් කරන්න.
පිටි ටික හොඳට කලවම් උනාට පස්සේ කඩා ගත්ත වයිට් චොක්ලට් ටික දාලා කලවම් කරන්න.
ඊළගට මේ බෝල් එක කවර් කරලා පැය 02ක් විතර ෆ්‍රිජ් එකේ තියන්න.
ෆ්‍රිජ් එකෙන් එලියට අර ගත්තට පස්සේ මේකෙන් පොඩි පොඩි බෝල හදාගෙන ඒ ටික අයිසින් ෂුගර් වල තවරලා බේකින් ට්‍රේ එකකින් තියා ගන්න.
දැන් මේ කුකීස් ටික අවන් එකට දාලා විනාඩි 12-15ක් විතර 180º C ක් උෂ්ණත්වයක බේක් කර ගන්න.
අවන් එකෙන් එලියට අරගෙන කුකීස් ටික නිමෙනකන් කූලින් රැක් එකකින් තියලා තියන්න.