පැණි බූන්දි රසට හදමු

බූන්දි කියන්නේ හරිම රස ඉන්දියානු රස කැවිලි වර්ගයක්. මේ තමයි ලංකාවේ අපි බූන්දි හදන විදිහ. මේ බූන්දි සතියක් විතර උනත් තියාගෙන කන්න පුළුවන්.

අවශ්‍ය ද්‍රව්‍ය : බූන්දි මිශ්‍රණය

පාන් පිටි - 150g
බේකින් පවුඩර් - තේ හැඳි 1 1/2
වැනිලා - තේ හැඳි 01
රතු පාට ෆුඩ් කලරින්
ලුණු - තේ හැඳි 1/2
වතුර

අවශ්‍ය ද්‍රව්‍ය : පැණි මිශ්‍රණය

සීනි - 400g
වතුර - කෝප්ප 1/2
දෙහි යුෂ - තේ හැඳි 02

සාදන ක්‍රමය:

පාන් පිටි, ලුනු, බේකින් පවුඩර් එකට දාලා හොඳට කලවම් කරන්න.
මේකට වතුර ටික ටික දදා කලවම් කරන්න. මේ මිශ්‍රණයට එක පාර වතුර ගොඩක් දාන්න එපා. එහෙම උනොත් දියාරු ගතිය වැඩි වෙයි.
හැන්දකින් පිටි ටිකක් අරන් වක්කලහම කැඩී කැඩී පහලට එන ගානට එනකන් ටිකක් ඝනට පිටි එක හදා ගන්න. ඒ වගේම තමයි පිටි එකේ කැටි නැති වෙන්නත් ඕනේ.
පිටි ටික දිය උනහම කලරින් ටිකයි වැනිලා ටිකයි දා ගන්න.
දැන් අපි මේ මිශ්රණේ හොඳට කලවම් කරලා පැත්තකින් තියා ගම්මු.
පැණි ටික හදා ගන්න සීනියි, වතුරයි එකට දාලා සීනි ටික දිය වෙනකන් මද ගින්දරේ කලවම් කරන්න.
පැණි ටික උණු වෙලා බුබුළු දාගෙන එනකොට මේකට දෙහි යුෂ ටික දාගන්න.
පැණි ටික හොඳට උණු වෙලා ටිකක් නුල් ඇදෙන ගානට එනකොට ලිප නිමා ගන්න.
බූන්දි මිශ්‍රණය පයිපින් බෑග් එකකට දාලා රත් උන තෙල් එකකට ලොකු පොඩි ප්‍රමාණ වලින් බූන්දි ටික වක්කර ගන්න.
දැන් මේ බූන්දි ටික ටිකක් වෙලා බැදගෙන තෙල් ටික හිදෙන්න බාගන්න.
බූන්දි ටික ගොඩක් වෙලා ක්‍රිස්පි වෙනකන් බැදෙන්න ඕනේ නෑ. ටිකක් බැදුනහම ඇති.
ඊලගට මේ බූන්දි ටික අපි කලින් හදාගත්ත පැණි එකට දාලා හොඳට කලවම් කරන්න. මේ වෙලාවේදී පැණි එක ටිකක් රස්නෙට තියෙන්නේ ඕනේ. එතකොට තමයි බූන්දි වලට පැණි ටික හොඳට අල්ලන්නේ.
පැණි එකේ බූන්දි ටික හොඳට කලවම් උනාට පස්සේ බූන්දි ටික පැණි එකෙන් අයින් කර ගන්න.