නියුටෙලා චොක්ලට් කුකීස්

මේ රෙසිපි එක චොක්ලට් වලට කැමති ඔයාලටමයි. නියුටෙලා එක්ක චොක්ලට් රසට හැපෙන මේ කුකී එක ඔයාලගේ නත්තල් කෑම මේසෙට අමුතුම වෙනසක් එක් කරාවි.

අවශ්‍ය ද්‍රව්‍ය:

නියුටෙලා - 180g
පාන් පිටි - 125g
කොකෝවා පව්ඩර් - 40g
බේකින් පව්ඩර් - තේ හැඳි 1/2
ලුනු - තේ හැඳි 1/2
ක්ෂණික කෝපි - තේ හැඳි 1/2
බටර් - 113g
දුඹුරු සීනි - 130g
බිත්තර - 01
වැනිලා - තේ හැඳි 01
චොක්ලට් - 60g

සාදන ක්‍රමය:

ඉස්සෙල්ලාම තේ හැන්දක් අරගෙන පොඩි පොඩි නියුටෙලා බෝල හදාගෙන පැයක් විතර ෆ්‍රිජ් එකේ තියන්න.
දැන් පිටි, කොකෝවා පව්ඩර්, බේකින් පව්ඩර්, ලුනු හා ක්ෂණික කෝපි ටික එකට දාලා හොඳට කලවම් කර ගන්න.
බටර් ටිකයි සීනි ටිකයි එකට දාලා හොඳට ක්‍රීම් ගතිය එනකන් බීට් කර ගන්න.
දැන් බිත්තරේ දාලා බීට් කරන්න.
බිත්තරේ හොඳට කලවම් උනාට පස්සේ වැනිලා ටික දා ගන්න.
පිටි මිශ්රණේ ටික ටික දදා හොඳට බීට් කරන්න.
ඊළගට චොක්ලට් ටික දාලා පිටි ටිකත් එක්ක හොඳට කලවම් කර ගන්න.
දැන් මේ පිටි වලින් ටිකක් අරගෙන ඒක මැද්දට නියුටෙලා බෝලයක් තියලා හොඳට බෝලයක් විදිහට හදා ගන්න.
ඔක්කොම කුකීස් ටික හදලා ඉවර උනාට පස්සේ මේ ටික විනාඩි 15ක් විතර 180°C ක උෂ්ණත්වයක බේක් කර ගන්න.
දැන් මේ කුකීස් ටික නිමෙන්න තියලා සුළං වදින්නේ නැති භාජනයක අසුරා ගන්න.