මාමයිට් බීමක් හදමු

මාමයිට් කියන්නේ පුදුම ආහාරයක්. සමහර අය මාමයිට් වලට හරිම කැමතියි. හැබැයි සමහර අයට නම් මාමයිට් පෙන්නන්න බෑ . සාමාන්‍යයෙන් අපි රොටී , බිස්කට් , ආප්ප , වැනි දෑ සමග මාමයිට් කන්න පුරුදු වෙලා සිටිනවා. මාමයිට් පානය ඉතාමත් රසවත් එකක්. අද අපි මේ සුපිරි පානය ගෙදරදිම හදාගෙන බීලා බලමුද?

අවශ්‍ය ද්‍රව්‍ය:

මාමයිට් තේ හැඳි 01
දෙහි යුෂ තේ හැඳි 01
රතුලූනු ගෙඩි 01 - 02
උණු වතුර කෝප්ප 01
කරපිංචා කොළ කිහිපයක්
රස පදමට ලුණු
අමුමිරිස් කරලක්

සාදන ආකාරය:

රතු ලූනු ගෙඩි සිහින්ව ලියාගන්න.
Mug එකක් ගෙන එයට මාමයිට් දමා කලවම් කරගන්න. ( ඔබ ප්‍රථම වරට මාමයිට් පානය කරන කෙනෙකු නම් මාමයිට් මේස හැඳි භාගයක් වතුර කෝප්ප භාගයක් මේ සදහා යොදාගන්න)
ලියාගත් රතුලූනු සහ කරපිංචා කොළ එකතු කරන්න.
දෙහි යුෂ හා රස අනුව ලුණු එකතු කරන්න.
ඔබ ටිකක් සැරට කැමති නම් සිහින් ව ලියා ගත් කුඩා ප්‍රමාණයේ අමුමිරිස් කරලක් එකතු කරන්න. (මතක තබාගන්න අමුමිරිස් වැඩි උනොත් දැවිල්ල ගන්නවා)
සාදාගත් මාමයිට් මිශ්‍රණය පිරිසකින් වසා මිනිත්තු 01 - 02 තැම්බෙන්නට හරින්න.
වෙනත් කෝප්පයකට මාමයිට් පෙරා ගන්න.
උණු උණුවෙම පිළිගන්වන්න.