මාරි බිස්කට් වලින් රස පුඩිං එකක්

අවශ්‍ය ද්‍රව්‍ය:

• සම්පුර්ණ යොදය සහිත නැවුම් කිරි - 500ml
• විපින් ක්‍රීම් - 250ml
• මාරි බිස්කට් - 20
• සීනි - 200g
• කෝර්න් පිටි - 15g
• කස්ටඩ් පවුඩර් - 70g
• වැනිලා - තේ හැඳි 1/2
• ජෙලටින් - මේස හැඳි 02
• මද රස්නේ උණු වතුර - මේස හැඳි 03
• ග්‍රේට් කර ගත්ත චොක්ලට්

සාදන ක්‍රමය:

• මද රස්නේ වතුරත් එක්ක ජෙලටින් ටික හොඳට දිය කරලා පැත්තකින් තියා ගන්න.
• පුඩිං එකට ඕනේ බිස්කට් ටික හොඳට පිටි වගේ වෙනකන් කුඩු කර ගන්න.
• ලොකු පෑන් එකක කිරි ටිකයි, විපින් ක්‍රීම් ටිකයි කුඩු කර ගත්ත බිස්කට් ටිකයි හොඳට කලවම් කර ගන්න.
• මේකටම සීනියි, කෝර්න් පිටි ටිකයි, වැනිලායි, කස්ටර්ඩ් පවුඩර් ටිකයි දාලා හොඳට දිය කර ගන්න.
• දැන් මේ භාජනේ ලිපේ තියලා මිශ්‍රණය ටිකක් ඝනකම් වෙනකන් මද ගින්දරේ දිගටම හැඳි ගාන ගමන් රත් කරන්න.
• මිශ්‍රණය ටිකක් උකු උනහම ලිප ඔෆ් කරලා මේකත් එක්ක දිය කරගත්ත ජෙලටින් ටික දිය කර ගන්න.
• මේ මිශ්‍රණය පුඩිං එක දාන භාජනයට දාලා හොඳටම නිමෙන්න තියන්න.
• පුඩිං මිශ්‍රණය හොඳටම නිමුනාට පස්සේ පුඩිං එක සෙට් වෙනකන් පැය 6-7 විතර ෆ්‍රිජ් එකේ තියන්න.
• පුඩිං එක හොඳට සෙට් උනහම පුඩිං එක උඩින් ග්‍රේට් කර ගත්ත චොක්ලට් ටිකක් දාලා ලස්සන කර ගන්න.