ගමේ රසට කොහිල දළු උයමු

ගමේ රසට කෑම කන්න අපි කවුරුත් කැමතියිනේ. ඔන්න එහෙනම් ඔයාලට රසම රස කොහිල දළු ටිකක්.

අවශ්‍ය ද්‍රව්‍ය:

• කොහිල දළු - 350g
• සියඹලා - 02
• ලුනු - තේ හැඳි 02
• මිරිස් කුඩු - තේ හැඳි 02
• උළු හාල් - තේ හැඳි 1/2
• තුන පහ කුඩු - තේ හැඳි 02
• රතු ලුණු - 08-10
• අමු මිරිස් - 02
• කරපිංචා
• උකු පොල් - කිරි කෝප්ප 01
• කහ කුඩු - තේ හැඳි ½

සාදන ක්‍රමය:

• මුලින්ම කොහිල දළු වල තියන කටු ටික සුද්ද කරලා මේ ටික හොඳට සෝදා ගන්න.
• ඊළගට මේ දළු ටික පොඩි කෑලි වලට කඩා ගන්න. කොහිල දළු අර ගනිද්දී හොඳ ලපටි දළු ටිකක් තෝරා ගන්න. මෝරපු කොහිල ගත්තොත් එහෙම හයිය වැඩි නිසා කන්න අමාරුයි.
• දැන් මේකට ලුණුයි, අමු මිරිසුයි, කරපින්චයි දාගන්න.
• ඊළගට ඉතුරු ද්‍රව්‍ය ටිකත් දාගෙන මේ ඔක්කොම ටික හොඳට කලවම් කර ගන්න.
• දැන් මේ කොහිල දළු ටික හොඳට ඉදෙනකන් විනාඩි 10-15ක් විතර උයා ගන්න.
• මේ කොහිල දළු ටිකට පරිප්පු ටිකක්, හාල්මැස්සෝ ටිකක් එහෙම දාලා තවත් මේක රසවත් කර ගන්න පුළුවන්.