Jumbo Prawns කිරට හදමු

ඉස්සෝ කියන්නෙ කොහොම හැදුවත් රස කෑමක්. නම මතක් වෙනකොටත් කටට කෙල උනනවා නේද ? අද අපි බලමු ලොකු ඉස්සන් කිරට හදා ගන්නේ කොහොමද කියලා.

අවශ්‍ය ද්‍රව්‍ය:

• ලොකු ඉස්සන් - 250g
• උකු පොල් කිරි - කෝප්ප 02
• අමු මිරිස් කරල් - 02
• සුදුලූනු බික් - 02 - 03
• ලුණු තේ හැදි - 02
• තුන පහ කුඩු තේ හැඳි - 02
• මිරිස් කුඩු තේ හැඳි - 02
• උළුහාල් තේ හැඳි - ½
• කහකුඩු තේ හැඳි - 01
• රතු ළූණු
• කුරුඳු පොතු
• කරපිංචා

සාදන ආකාරය:

• පළමුව ඉස්සන් සුද්ද කර හොඳින් සෝදා ගන්න.
• රතු ළූණු , අමු මිරිස් , කුරුඳු පොතු , කරපිංචා කපා ගන්න.
• ඇතිළියකට ඉස්සන් දමා එයට කිරි එකතු කරන්න .
• කපා ගත් රතු ළූනු , අමුමිරිස් මිශ්‍රණය එයට එකතු කරන්න.
• ලුණු, කහ කුඩු , මිරිස් කුඩු , උළුහාල් සහ තුන පහ කුඩු එකතු කරන්න.
• සියල්ල හොඳින් මිශ්‍ර කරන්න.
• ලිප මත තබා පිසගන්න. වරින් වර හැදි ගාන්නට අමතක කරන්න එපා .
• අවම තරමේ මිනිත්තු 15 - 20 හොඳින් පිසගන්න.
• මෙම ඉස්සන් කරිය බත් එක්ක විතරක් නෙවේ පාන්, ඉදි ආප්ප , කිරිබත් සමග උනත් හොදට ගැලපෙනවා.