හරිම පහසු ජැපනීස් පෑන් කේක්

පෑන් කේක් කියන්නේ අපි හැමෝටම හුරු පුරුදු කෑමක්. හැබැයි ටිකක් වෙනස් විදිහකට හදන මේ පෑන් කේක් එක කොහොමද කියල බලන්නකෝ

අවශ්‍ය ද්‍රව්‍ය:

පිටි - 125g
බේකින් සෝඩා - තේ හැඳි 1/4
බේකින් පවුඩර් - තේ හැඳි 1/2
ලුනු
බිත්තර කහ මද - 01
බිත්තර සුදු මද - 03
දිය කර ගත්ත බටර් - 25g
කිරි - කෝප්ප 1/2
සීනි - 30g
වැනිලා - තේ හැඳි 01

සාදන ක්‍රමය:

බිත්තර කහ මදයයි කිරි ටිකයි එකට දාලා හොඳට කලවම් කරන්න.
මේකට වැනිලා ටිකයි, ලුනුයි, දිය කර ගත්ත බටර් ටිකයි දාගන්න.
පිටි ටික බේකින් පවුඩර් ටිකයි, බේකින් සෝඩා ටිකයි එක්ක කලවම් කරන්න.
මේ පිටි ටික කිරි එකත් එක්ක හොඳට කලවම් කරන්න.
බිත්තර සුදු මද ටික හොඳට පිම්බෙනකන් බීට් කරන්න. බීට් කරන අතරතුරේදී සීනි ටිකත් එකතු කරන්න.
බීට් කර ගත්ත බිත්තර ටික පෑන් කේක් මිශ්‍රනයත් එක්ක කලවම් කරන්න.
තැටියක බටර් ටිකක් ගාලා මේ මිශ්‍රණයෙන් ටික ටික දදා පෑන් කේක් ටික හදා ගන්න.
තැටිය වහලා විනාඩි 02ක් විතර එක පැත්තක් උයාගන්න.
දැන් පෑන් එක අනිත් පැත්ත හරවලා තවත් විනාඩි 02ක් විතර උයාගන්න.
පෑන් කේක් ටික රස්නේ පිටින්ම කෑමට ගන්න.