රසම රස බිත්තර කිරි හොදි

තම්බලා කන බිත්තර වලට රසම රස වෙනසක් කරමුද?

අවශ්‍ය ද්‍රව්‍ය:

• තම්බපු බිත්තර - 04
• ලොකු ළුණු - 01
• අමු මිරිස් - 03
• සුදු ළුණු - බික් 04
• ගම්මිරිස් කුඩු - තේ හැඳි 1/4
• තුනපහ කුඩු - තේ හැඳි 01
• උළු හාල් - තේ හැඳි 1/2
• කරපිංචා
• කහ කුඩු - තේ හැඳි 1/2
• රම්පේ
• ලුනු - තේ හැඳි 01
• උකු පොල් කිරි - කෝප්ප 1 1/2
• තක්කාලි - 01
• කුරුදු පොතු කීපයක්

සාදන ක්‍රමය:

• ළුණු, තක්කාලි, අමු මිරිස් කරපිංචා කුරුදු පොතු, සුදු ළුණු, රම්පේ හා උකු පොල් කිරි ටික භාජනයකට දා ගන්න.
• දැන් මේකට කහ කුඩු, උළු හාල්, තුනපහ කුඩු, ලුනු හා ගම්මිරිස් කුඩු එකතු කරන්න.
• මේ ඔක්කොම ටික හොඳට කලවම් කරලා මේක ලිපේ තියන්න.
• දැන් මේක පොල් කිරි ටික හොඳට ඉදෙනකන් උයා ගන්න. මේක ලිපේ තිබ්බට පස්සේ අපි දිගටම හැඳි ගාන්න ඕනේ. නැත්නම් මේ කිරි හොදි ටික කැටි ගැහෙනවා.
• පොල් කිරි ටික හොඳට ඉදුනට පස්සේ දෙකට කපා ගත්ත බිත්තර ටික මේකට එකතු කර ගන්න.
• හෙමින් හැඳි ගාන ගමන් මේක තව ටිකක් වෙලා උයා ගන්න.