මේක පීසා එකක් නම් නෙමේ

අවශ්‍ය ද්‍රව්‍ය:

• චිකන් සොසේජස් - 5-6
• බටර් - මේස හැඳි 01
• ළුණු කොළ - 02
• බිත්තර - 04
• පොඩි තක්කාලි - 03
• සවර් ක්‍රීම් / යෝගට් - මේස හැඳි 01
• රස පදමට ලුනු සහ ගම්මිරිස්
• පිටි - මේස හැඳි 01
• මොසරැලලා චීස් - 120g

සාදන ක්‍රමය:

මුලින්ම සොසේජස් ටික අගල් 1/2 වගේ කෑලි වලට කපා ගන්න.

අපි මේක හදන්න අර ගන්න ඕනේ තැටි පෑන් එකක්. දැන් මේ පෑන් එක හැමතැනම හොඳට බටර් ගාලා මේක උඩින් කපා ගත්ත සොසේජස් කෑලි ටික තියා ගන්න.

ඊළගට ළුණු කොළ ටිකයි තක්කාලි ටිකයිත් පොඩියට කපා ගෙන පොඩි බෝල් එකකට දා ගන්න. මේකටම බිත්තරයි, සවර් ක්‍රීම් ටිකයි, රස පදමට ලුනුයි ගම්මිරිස් කුඩු ටිකයි දාලා හොඳට කලවම් කරන්න.

දැන් මේ බිත්තර මිශ්‍රණය සොසේජස් ටික උඩින් දාගෙන පෑන් එක ලිපේ තියලා විනාඩි 02ක් විතර උයා ගන්න.

ඊළගට චීස් ටික මේකට උඩින් දාලා පෑන් එක වහලා තවත් විනාඩි 05ක් විතර උයා ගන්න.

ඉක්මනින්ම හදා ගන්න පුළුවන් මේ උදේ කෑම එක හරිම රසයි.