පුළුන් වගේ සොෆ්ට් ගතියට ඩිනර් රෝල්ස් හදමු

පොඩි වෙනසකටත් එක්ක පුළුන් වගේ සොෆ්ට් කිරි රස බන් එකක් කන්න තිබ්බොත් කොහොමද?ඩිනර් රෝල් ගෙදරදී හදා ගන්න එක හරිම ලේසියි.

අවශ්‍ය ද්‍රව්‍ය:

පාන් පිටි - 400g
සීනි - 30g
ලුණු තේ හැඳි - 01
මද රස්නේ කිරි - 240ml
ඊස්ට් මේස හැඳි - 01
බටර් - 45g
බීට් කර ගත්ත බිත්තර - 01
පොල් තෙල් තේ හැඳි - 01

සාදන ක්‍රමය:

පිටි ටික ලුනුයි, සීනි 15g යි,එක්ක හොඳට කලවම් කරන්න.
ඊස්ට් වලට ඉතුරු සීනි 15g දාලා කලවම් කරන්න.
මද රස්නේ කිරි 60ml ක් ඊස්ට් එකට එකතු කරන්න.
දැන් ඊස්ට් එක්ක කලවම් කර ගත්ත කිරි ටික පිටි ටිකට දාන්න.
ඉතුරු කිරි ටිකයි, බීට් කර ගත්ත බිත්තරෙයි, බටර් ටිකයිත් පිටි එකටම දාලා පිටි එක ගුලියක් වගේ වෙනකන් හොඳට අතින් කලවම් කරන්න.
වෙනමම බෝල් එකකට පොල් තෙල් ටික දාලා ඒකට අපි හදා ගත්ත පිටි ටික දා ගන්න.
දැන් මේ බෝල් එක වහලා විනාඩි 90ක් විතර පිපෙන්න තියන්න.
පිටි ටික හොඳට පිපුනට පස්සේ මේ පිටි ටික බෝර්ඩ් එකකට දාගෙන කෑලි 15ට කපා ගන්න.
මේ කෑලි වලින් පොඩි බෝල හදා ගෙන බේකින් ට්‍රේ එකකින් තියා ගන්න.
ආයෙත් මේ බේකින් ට්‍රේ එක වහලා තවත් පැයක් විතර පිපෙන්න තියන්න.
අවන් එකේ උෂ්ණත්වය 375°F (190°C) ට සෙට් කරලා විනාඩි 15ක් 20ක් විතර මේ බන් ටික බේක් කර ගන්න.
දැන් මේ ටික අවන් එකෙන් එලියට අරගෙන ටිකක් වෙලා නිමෙන්න තියලා එකින් එක වෙන් කර ගන්න.