ක්‍රීමි චොක්ලට් පුඩින්

හැම වෙලේම චොක්ලට් අතුරුපසක් හොයන ඔයාලාට මෙන්න තවත් රසම රස කෑමක්…

අවශ්‍ය ද්‍රව්‍ය

• ඩාර්ක් චොක්ලට් - 50g
• සීනි - 130g
• කොකෝවා පව්ඩර් - මේස හැඳි 02
• ඉරිඟු පිටි - මේස හැඳි 02
• ලුනු - තේ හැඳි 1/4
• කිරි - කෝප්ප 02
• විපින් ක්‍රීම් - 40ml
• වැනිලා - තේ හැඳි ½

සාදන ක්‍රමය

• චොක්ලට් ටික පොඩි කෑලි වලට කපා ගන්න.
• සීනි, කොකෝවා පව්ඩර්, ඉරිඟු පිටි, ලුනු එකට දාලා කලවම් කරන්න.
• කිරි ටික දාලා කලවම් කරන්න.
• පුඩින් මිශ්‍රණය ටිකක් ඝන වෙනකන් මද ගින්දරේ දිගටම හැඳි ගාමින් කලවම් කරන්න.
• පුඩින් එක ඝන වේගෙන එනකොට කපාගත්ත චොක්ලට් ටිකයි විපින් ක්‍රීම් ටිකයි දාගන්න.
• මේ ටික හොඳට කලවම් කරලා ලිප නිවලා වැනිලා ටිකත් දාලා කලවම් කරන්න.
• පුඩින් ටික ඩෙසර්ට් කප් දෙකකට දාලා ටිකක් වෙලා නිමෙන්න තියන්න.
• දැන් මේ පුඩින් එක හොඳට සෙට් වෙනකන් ෆ්‍රිජ් එකේ තියන්න.
• පුඩින් එක හොඳට සෙට් උනාට පස්සේ උඩින් කජු ටිකක් ඉහලා ලස්සන කර ගන්න.