චොක්ලට් මැදි කරපු පෑන් කේක්

අවශ්‍ය ද්‍රව්‍ය:

චොක්ලට් - 250g

විපින් ක්‍රීම් - කෝප්ප 1/2

පාන් පිටි - 200g

උකු පොල් කිරි - කෝප්ප 1 1/2

කහ කුඩු - තේ හැඳි 1/4

බිත්තර - 01

රස පදමට ලුනු

සාදන ක්‍රමය:

• චොක්ලට් ටික විපින් ක්‍රීම් ටිකත් එක්ක දිය කර ගන්න.මේ ටික මයික්‍රෝවේව් එකක හරි ඩබල් බොයිල් කරලා හරි දිය කර ගන්න පුළුවන්.
• දිය කර ගත්ත චොක්ලට් ටික කවර් කරලා විනාඩි 10ක් විතර ෆ්‍රිජ් එකේ තියන්න.
• වෙනමම බෝල් එකක බිත්තර, පොල් කිරි, ලුනු සහ කහ කුඩු එකට දාලා දිය කරන්න.
• කිරි ටිකට පිටි ටිකෙන් ටික දාන ගමන් ටිකක් ඝනකම් මිශ්‍රණයක් සාදා ගන්න. මේ මිශ්‍රණය ගොඩක්ම ඝනකම් වෙන්නෙත් නැතුව ගොඩක්ම දියාරු වෙන්නෙත් නැතුව හදා ගන්න.
• දැන් පෑන් එකක තෙල් ටිකක් ගාලා මේ මිශ්‍රණයෙන් ටිකක් දාලා හැන්දක් අධාරයෙන් රවුම් හැඩයට හදා ගන්න. අඩු ගින්දරේ විනාඩි 02ක් විතර උයා ගන්න.
• දැන් මේ පෑන් කේක් එක අනිත් පැත්ත හරවලා අනිත් පැත්තත් උයා ගන්න.
• ඔක්කොම පෑන් කේක් ටික හදලා ඉවර උනාට පස්සේ කලින් හදා ගත්ත චොක්ලට් මිශ්‍රණය පෑන් කේක් මැද්දෙන් ගාගෙන පෑන් කේක් ටික රවුම් හැඩයට හෝ ත්‍රිකෝණ හැඩයට සාදා ගන්න.