චිකන් නුඩ්ල් සුප්

අවශ්‍ය ද්‍රව්‍ය:

• ලොකු ළුණු - 1/2
• සුදු ළුණු - බික් 04
• බටර් - 50g
• කැරට් - 02
• සෙලරි නාරටි - 02
• කටු රහිත කුකුල් මස් - 250g
• චිකන් ස්ටොක් - 1 L
• ලුනු සහ ගම්මිරිස්
• ක්ෂණික නුඩ්ල්ස් - 40g
• දෙහි යුෂ - තේ හැඳි 01
• ළුණු කොළ

සාදන ක්‍රමය:

මුලින්ම ළුණුයි, සුදු ළුණුයි, කැරට් ටිකයි, සෙලරි ටිකයි තරමක පොඩි කෑලි වලට කපා ගන්න.

ඊළගට බටර් ටික පෑන් එකකට දාලා දිය කර ගෙන ඒකට කපා ගත්ත එළවළු ටික දා ගන්න. මේ එළවළු ටික විනාඩි 7 - 8 විතර මද ගින්දරේ ටිකක් උයා ගන්න.

එළවළු ටික ටිකක් මෙලෙක් උනහම මේකට කුකුල් මස් ටික සහ චිකන් ස්ටොක් ටික දා ගන්න.

චිකන් ස්ටොක් ටික හොඳට රත් උනහම ගින්දර ටිකක් අඩු කරලා තවත් විනාඩි 10-15 විතර කුකුල් මස් ටික හොඳට ඉදෙනකන් උයා ගන්න.

කුකුල් මස් ටික හොඳට උයා ගත්තාට පස්සේ මේ ටික පොඩි කෑලි වලට කපලා සුප් එකටම ආපහු දා ගන්න.

දැන් මේකට ඔයාලගේ රස පදමට ලුනුයි ගම්මිරිස් කුඩුයි දා ගන්න.

ඊළගට නුඩ්ල්ස් ටික දා ගන්න. නුඩ්ල්ස් ටික දාගත්තාට පස්සේ සුප් එකේ වතුර ගතිය ගොඩක් අඩු උනොත් එහෙම තව වතුර ටිකක් හරි චිකන් ස්ටොක් ටිකක් හරි දාලා සුප් එක උයා ගන්න.

ඔයාලා මේ නුඩ්ල්ස් ටික ගොඩක්ම තැම්බෙනකන් උයන්න එපා. සුප් එක නිමෙනකොට මේ ටික හොඳට හෙමින් සැරේ තැම්බෙනවා.

අන්තිමටම සුප් එකට දෙහි යුෂ ටිකක් දාලා කලවම් කරලා ලිපෙන් බා ගන්න.

සුප් එක තව ටිකක් ලස්සන කර ගන්න මේකට උඩින් කපා ගත්ත ළුණු කොළ ටිකක් දා ගන්න.