මාළු මිරිස් කිරට

සමහරු මාළුමිරිස් හොදි හදලා කන්න කැමති නැහැ. එහෙත් ඔබ මේ ආකාරයට හදලා කෑවොත් අනිවාර්යයෙන්ම කැමති වෙනවා.

අවශ්‍ය ද්‍රව්‍ය:

  • මාළු මිරිස් කරල් 06
  • උකු පොල් කිරි කෝප්ප 01
  • තුනපහ කුඩු මේස හැඳි 01
  • කහ කුඩු තේ හැඳි 01
  • උළුහාල් තේ හැඳි 01
  • කුරුඳු පොතු කිහිපයක්
  • ලොකු ලූනු ගෙඩි 01
  • කරපිංචා කොළ
  • රස අනුව ලුනු කුඩු

සාදන ආකාරය:

  • මාලු මිරිස් කරල් හොඳින් සෝදා ගෙන දෙකට මැදින් පලා ගන්න. මෙහිදී වෙන්වෙන්නට මාලු මිරිස් කරල කපන්න එපා. මෙසේ දෙකට මැදින් පැලු විට හොදට තුනපහ මිරිස් කරලට අල්ල ගන්නවා.
  • පිස ගැනීමට යොදා ගන්නා භාජනය තුලට මාළු මිරිස් කරල් දමා කරපිංචා කොළ එයට එකතු කරන්න.
  • ලුණු ගෙඩිය ද සිහින්ව කපාගෙන එයට එකතු කරන්න.
  • මෙයට උළුහාල් , රස අනුව ලුනු කුඩු , තුනපහ කුඩු , කහ කුඩු සහ කුරුදු පොතු එකතු කරන්න.
  • මෙහිදී අපි මාලු මිරිස් සඳහා මිරිස් කුඩු හෝ අමු මිරිස් එකතු කිරීමෙන් වැළකී සිටිනවා. එසේ කරන්නේ මාළු මිරිස් වල අවශ්‍ය ප්‍රමාණයට සැර ගතිය අඩංගු වී ඇති නිසා.
  • දැන් සියල්ල හොඳින් කලවම් කරන්න.
  • පොල් කිරි එකතු කරමින් ටිකක් කලවම් කරන්න.
  • පොල් කිරි එකතු කිරීමෙන් පසු මෙය විනාඩි 15 - 20ක් විතර මද ගින්දරේ පිස ගන්න.

Contact DailyLife.lk

or drop an E-Mail to